المستشار هانى أبو جلالة يكتب "راحت فين ناس وعادات زمان"

هاني ابوجلالة

راحت فين الكلمة الحلوة راحت فين الناس الحلوة..راحت فين لمة العيلة الضحكة الجميلة الطويلة اللي خارجة من القلب تجلجل اللمة علي الغدا والعشا دلوقتي بقينا نشوف بعض بالصدفة و"موبايلات بقي" راحت فين صلة الرحم...واقع ملموس نعيشه جميعا وأنا من قبلكم بعد عزو التكنولوجيا والتي حولتنا الي "روبوت" نعيش ونحيا علي "الهواتف" نضحك ونبكي نموت ونمرض بـ "الإيموشن" تلك الرموز التعبيرية باتت المتحدث الرسمي لنا جميعا يشعر بالسعادة يشعر بالمرض يشعر بالاحباط بالحزن نفرح لبعض علي وسائل الإنفصال الاجتماعي نعزي ونشعر بالحزن "نفرح ونزقطط" وكله افتراضي في الوقت المليان والفاضي...راحت فين الأصول واحترام الكبيرمبقاش عندنا حبة ضمير .

 

راحت فين عيب وميصحش غض بصرك وحق الجار وكله بقي فهلوة واللي عنده معزه يربطها..فكك مني يا عم الحاج..المهرجانات فن وطرب وشيكا وبيكا والياباني والألماني أسلوب حياة راحت فين عاداتنا اللي اتعلمناها أبا عن جد راح فين الولد والسند راحت فين الرجولة والنخوة.. دي أختك وبنت منطقتك.. راحت فين الناس الحلوة...علموا أولادكم الحلال والحرام وكلاهما بين علموهم القيم الدينية الوسطية السمحة حب لأخيك ما تحب لنفسك ابتسامتك في وجه أخيك صدقة صلة الرحم التسامح والمحبة علموهم هناك فرق كبير بين الخير والشر وكلاهما لا يستويان وأن عبادة المولي في أخلاقك وتعاملاتك مع الآخرين وأن مساعدة المحتاج واجب وفرض وأن عمرك مكتوب ورزقك ممدود عامل بما تحب أن تعامل علموهم وعلموهم ولا تنسوا أن تعلموا أنفسكم قبل أن تعلموهم لأن فاقد الشيء لا يعطيه...

التالى انوشكا تتصدر تريند البحث بعد حديثها عن المرأة المصرية

أضف تعليق

هل تؤيد دخول مصر حرب مع تركيا في ليبيا

الإستفتاءات السابقة

The Orca Group

سعر الدولار